Ուղիղ. «Վիկտորիա» - «Ինտեր». Հենրիխ Մխիթարյանը մեկնարկային կազմում է

ՈՒԵՖԱ-ի չեմպիոնների լիգայի խմբային փուլի 2-րդ տուրում Միլանի «Ինտերն» արտագնա խաղում կհանդիպի Չեխիայի չեմպիոն «Վիկտորիայի» հետ:

Երկու թիմերն էլ անհաջող են սկսել նոր խաղարկությունը: Չեխական ակումբը հյուրընկալվելիս 1:5 հաշվով պարտվել է «Բարսելոնային», իսկ միլանցիները սեփական դաշտում զիջել են Մյունխենի «Բավարիային»՝ 0:2: Սա թիմերի առաջին հանդիպումն է եվրոգավաթներում:

Կողմերն արդեն հրապարակել են կազմերը: «Ինտերի» կազմում հանդես եկող Հայաստանի ֆուտբոլիստ Հենրիխ Մխիթարյանը հայտավորված է իր թիմի մեկնարկային կազմում:

«Վիկտորիա» - «Ինտեր» հանդիպումը կսկսի ժամը 20:45-ին: Խաղի ուղիղ եթերը՝ այստեղ