Արդյունավետ հանդիպում ունեցանք Վերգետնյա հեռարձակողների ասոցիացիայի ներկայացուցիչների հետ․ պատգամավոր
Աջակցիր «Ա1+»-ինԱԺ «Իմ քայլը» խմբակցության պատգամավոր Վահագն Թեւոսյանը Ֆեյսբուքի իր էջում գրում է․
«Հեռուստատեսության և ռադիոյի մասին նոր օրենքի աշխատանաքային խմբի մի քանի անդամներով, իմ կարծիքով, շատ առողջ ու առաջին անգամվա համար բավական արդյունավետ հանդիպում ունեցանք Վերգետնյա հեռարձակողների ասոցիացիայի ներկայացուցիչների հետ: Խնդիրներն անծայրածիր են, քանի որ նախ՝ ինչպես ներկաներից մեկը նկատեց, գործող օրենքը մեռած է, և քիչ բան է կարգավորում, կարգավորածն էլ՝ ի վնաս ազատ ու արդյունավետ տնտեսվարման:
Պայմանավորվել ենք ոլորտային խմբեր ձևավորել (այս պահին մեկական խումբ՝ ռադիոընկերոթյունների և հեռուստաընկերությունների ներկայացուցիչների մասնակցությամբ) աննկատ մնացած խութերը գույքագրելու, գույքագրածների համար էլ լուծումներ գտնելու նպատակով:
Վստահ եմ՝ նոր օրենքը պիտի այնպիսի կարգավորումներ տա, որ պետությունն այլևս միայն կանգնած լինի իր ստանձնած ֆինանսական, էթիկական ու գործառութային պարտավորությունները կատարող տնտեսվարողի կողքին՝ առանց թիկունքից իր շնչառությունը նկատել տալու»:
