Հրաչյա Հարությունյանին բանտից տեղափոխել են
Հրաչյա Հարությունյանին այսօր Ռուսաստանի Դաշնության Տամբով քաղաքի ՔԿՀ-ից տեղափոխել են Մոսկվա: «Առաջին քայլը կարելի է ասել արված է: Այսօր առավոտյան Հրաչյա Հարությունյանը զանգահարեց մեզ եւ ասաց՝ տեղափոխում են: Բայց երբ կբերեն Երեւան՝ դեռ պարզ չէ»,- այս մասին «Ա1+»-ին հայտնեց նրա կնոջ հայրը՝ Վիկտոր Մարտիրոսյանը: Դեռ հունիսի 16-ին կայացած նիստում որոշվել է Հրաչյա Հարությունյանին արտահանձնել: Հիշեցնենք՝ Հրաչյա Հարությունյանը իր «Կամազ» մակնիշի մեքենայով 2013 թ-ի հուլիսի 13-ին ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետևանքով զոհվել էր 18 մարդ։ Նա դատապարտվել է 6 տարի 9 ամիս ժամկետով ազատազրկման: Նա արդեն 4 տարի է՝ գտնվում է կալանավայրում, իսկ պատժի մնացած մասը պետք է կրի Հայաստանում: Հրաչյա Հարությունյանը նաեւ առողջական խնդիրներ ունի: Հարազատները հույս ունեն, որ Հայաստանում պատիժը կրելու ընթացքում կկատարվեն անհրաժեշտ վիրահատությունները: