ASUS ROG Strix SCAR 18. խաղային հզորություն և վառ լուսավորություն
Աջակցիր «Ա1+»-ինԵրբ շուկայում հայտնվում է նոր ֆլագման սարք, կարևոր է հասկանալ՝ դա հին մոդելի ևս մեկ թարմացումն է, թե իրենց շարքի նոր ամենահզոր տարբերակը: 2025 թվականի ASUS ROG Strix SCAR 18 խաղային նոթբուքի դեպքում աշխատում է երկրորդ տարբերակը: CES 2025-ում ցուցադրված խաղային նոթբուքի նոր մոդելը ամենահզորներից մեկն է RTX 50 դարաշրջանում:
Վերջին մի քանի տարիների ընթացքում ուշադրության կենտրոնում են Nvidia-ի GeForce RTX 40 սերիայի գրաֆիկական պրոցեսորներով սարքերը: Այնուամենայնիվ, 2024-ի վերջին Nvidia-ն ներկայացրեց նոր «Blackwell» խաղային GPU-ներ նոթբուքերի համար՝ որպես նոր RTX 50 շարքի մի մաս: Արդյունքում շուկայում հայտնվեցին նոր հզոր նոթբուքեր, որոնցից մեկը ASUS ROG Strix SCAR 18-ն է։
ASUS-ը չի խնայել դետալների վրա: Օգտատերերը ստացան ոչ միայն թարմացված, այլ ամբողջովին վերաիմաստավորված սարք՝ առավելագույն արտադրողականությամբ, պրեմիում դիզայնով և հիանալի հովացման համակարգով: Եկեք պարզենք, ինչի շնորհիվ է այս մոդելը 2025 թվականի խաղային նոթբուքերի մեջ ամենացանկալի սարքը։
Դիզայն և լուսավորություն
ASUS ROG Strix SCAR 18-ի յուրաքանչյուր դետալ ընդգծում է նրա խաղային բնույթը: Նոր կորպուսն ավելի կատարելագործվել է կրունկի և էկրանի կափարիչի միջև եղած նվազագույն բացվածքի պատճառով: Բայց հիմնական «առանձնահատկությունը» լուսավորությունն է։ LED ժապավենը անցնում է պատյանի ստորին հատվածի ողջ պարագծի երկայնքով՝ ստեղծելով սեղանի վերևում սավառնելու էֆեկտ։
Կափարիչի մեջ ներկառուցված AniMe Vision տեխնոլոգիան արժանի է հատուկ ուշադրության: 810 LED-ները փայլում են հազարավոր փոքրիկ անցքերով՝ ձևավորելով անիմացիաներ, գրություններ և նույնիսկ ներբեռնվող GIF-եր: Իսկ նոր նոթբուքի ROG լոգոն պարզապես դեկորատիվ տարր չէ: Միացված վիճակուն այն ստանում է RGB լուսավորություն, իսկ հանգստի ռեժիմում կարող է վերածվել էլեգանտ քրոմապատ մակերեսի: Անհրաժեշտության դեպքում ամբողջ լուսավորությունը կարող է անջատվել, և օգտատերը ստանում է ավելի պարզ դիզայնով և մինիմալիստական նոութբուք:
Մեմբրանային ստեղնաշարը նախատեսված է մինչև 20 միլիոն ստեղների սեղման համար, ինչպես նաև աջակցվում է մի քանի ստեղների միաժամանակյա սեղմում։ Կա նաև լուսավորություն, որը սինխրոնիզացվում է այլ սարքերի հետ:
Աջ կողմում թվային վահանակն է: Բացի թեժ ստեղներից, օգտատերերը կտեսնեն նաև Copilot ստեղնը՝ AI օգնականին «կանչելու» համար:
Ափգրեյդի հնարավորություններ
Intel պրոցեսորներով ASUS ROG Strix SCAR 18-ում արտադրողները հատուկ ուշադրություն են դարձրել թարմացման հարմարավետությանը։ Կորպուսի ստորին կափարիչը այժմ կարելի է ամբողջությամբ հանել հատուկ լծակի միջոցով: Արդյունքում, օգտատերը մուտք է ստանում ներքին բաղադրիչներին և կարողանում է թարմացնել նոթբուքը։
Ափգրեյդը հնարավոր է ցանկացած պահի, ինչը հատկապես կարևոր է սթրիմինգի սիրահարների, սովորական գեյմերների և մեծ ռեսուրսներ պահանջող առաջադրանքների վրա աշխատողների համար: SSD սլոթերը հագեցած են Q-Latch համակարգով, որն առաջին անգամ ներդրվել է ROG մայրական տախտակներում: Թարմացումներն այլևս գործիքներ չեն պահանջում:
Ամենալավ գրաֆիկան
2025 թվականի ASUS ROG Strix SCAR նոթբուքերը խաղային սարքի արտադրողականության գագաթնակետն են, հատկապես, երբ խոսքը վերաբերում է գրաֆիկային: Նրանք հագեցած են վերջին NVIDIA GeForce RTX 5090 գրաֆիկական պրոցեսորով, որը հիմնված է Blackwell ճարտարապետության վրա: Այս լուծումը ոչ միայն առաջարկում է տպավորիչ 24 ԳԲ GDDR7 վիդեո հիշողություն, այլ նաև մինչև 175 Վտ հզորությամբ ջերմային փաթեթ, որը թույլ է տալիս ցույց տալ GPU-ի ողջ ներուժը նույնիսկ ամենախստապահանջ և ռեսուրսներ պահանջող առաջադրանքներում:
RTX 5090-ը իդեալական է առաջադեմ գրաֆիկայով ժամանակակից խաղերի համար, ինչպիսիք են Cyberpunk 2077-ը, Call of Duty: Warzon-ը, Microsoft Flight Simulator 2024-ը կամ Forza Horizon 5–ը: Այս խաղերը հայտնի են իրատեսական ստվերներով, լուսավորությամբ և բարդ վիզուալ էֆեկտներով: Ճառագայթների հետագծման, DLSS 4 կադրերի գեներացման ու NVIDIA Reflex տեխնոլոգիայի շնորհիվ օգտատերերը ստանում են ոչ միայն սահուն պատկեր, այլև խաղի գործողություններին արագ արձագանքում:
RTX 30 մոդելների համեմատ՝ նոր սարքերը ցուցադրում են 2-6 անգամ ավելի բարձր արտադրողականություն՝ կախված ռեժիմից: Նոր քարտերը նաև ունեն բարձր էներգաարդյունավետություն, ինչը բարելավում է մարտկոցի կյանքը և նոթբուքերը կարող են աշխատել մինչև 40% ավելի երկար: Խաղերից բացի, RTX 5090 գրաֆիկական քարտը թույլ է տալիս կրկնակի արագ կատարել 3D ռենդերինգ, գեներատիվ AI-ի և տեսանյութերի խմբագրման առաջադրանքներ:
Արտադրողներն առաջարկում են նոր հովացման համակարգ՝ առանց գերտաքացման նման արտադրողականությունը հաղթահարելու համար: Օդափոխման անցքը տեղադրված է հետևի վահանակի ամբողջ լայնությամբ՝ ջերմության ամենաարդյունավետ ցրման համար: Գոլորշիացման խցիկը մեծացվել է և հասնում է կորպուսի հետևի վահանակին: Միաժամանակ սառը օդը ներթափանցում է բոլոր կողմերից, այդ թվում՝ ստեղնաշարի միջոցով։
Հստակ պատկեր և ձայն
Այս նոթբուքն ունի իր դասի լավագույն էկրաններից մեկը՝ Nebula HDR Mini LED-ը՝ ավելի քան 2000 մթնեցման լոկալ գոտիներով: Այն ապահովում է ցնցող ցայտագունություն առանց այրվելու վտանգի: 240 Հց թարմացման արագությունը, NVIDIA G-Sync-ի աջակցությունը և 100% DCI-P3 գունային գամմայի ծածկույթը պատկերները դարձնում են բացառիկ հարթ և հարուստ:
Պետք է նշել նաև երկշերտ Ambient Contrast Ratio տեխնոլոգիան, որը նվազեցնում է արտացոլումները և բարելավում ցայտագունությունը: Այս բնութագրերի շնորհիվ խաղալը հարմարավետ է նույնիսկ պայծառ լույսի ներքո, և էկրանը նույնքան պարզ է մնում, երբ պահում ես նոթբուքը անկյան տակ: Պայծառության գագաթնակետը հասնում է 1200 կդ/մ², ինչը հատկապես կարևոր է կինեմատոգրաֆիկ գրաֆիկայով խաղերի համար:
Ինչ վերաբերում է ձայնին, ապա ամեն ինչ նույնպես բարձր մակարդակի վրա է։ Չորս բարձրախոսներով համակարգը աջակցում է Dolby Atmos-ին և ստեղծում է վիրտուալ 5.1.2 ալիքով ձայնային էֆեկտ: Խելացի ուժեղացուցիչի և Hi-Res Audio-ի աջակցության շնորհիվ օգտատերերը ստանում են շրջապատող ձայն: Երկկողմանի AI աղմուկի նվազեցման համակարգը հստակ փոխանցում է ձայնը՝ վերացնելով ֆոնային աղմուկը:
Ինտերֆեյսներ
Մոդելը հագեցած է պորտերի լայն տեսականիով, որոնք տեղակայված են կորպուսի կողային մասերում։ Ձախ կողմում կա երկու բարձր թողունակությամբ Thunderbolt™ 5 պորտ, HDMI 2.1, Ethernet 2.5G, USB-A 3.2 Gen 2 և 3.5 մմ աուդիո միակցիչ:
Աջ կողմում կան ևս երկու USB-A պորտ: Այս դասավորությունն ապահովում է արագ մուտք դեպի բոլոր միացված սարքեր, իսկ Thunderbolt 5-ը՝ մի քանի 4K էկրանի միացում և տվյալների գերարագ փոխանցում:
Գեյմերների երազանքներն իրականացնող նոթբուք
2025 թվականի ASUS ROG Strix SCAR 18-ը օրինակ է, թե ինչպես կարելի է ստեղծել խաղային սարք, որը միևնույն ժամանակ ոճային է և հզոր: Նոթբուքը համատեղում է բարձրակարգ կոնֆիգուրացիան, տպավորիչ դիզայնը, բարձրորակ էկրանը, հովացման առաջադեմ համակարգը և առանց գործիքների ափգրեյդի հարմարավետությունը:
Պետք է նշել նաև ROG Strix SCAR 16-ի թարմացված տարբերակը։ Մոդելն ունի 16 դյույմանոց էկրան և նմանատիպ բնութագրեր։ ROG Strix SCAR նոթբուքերը ցույց են տալիս, ինչպիսին պետք է լինի խաղերի աշխարհի իրական առաջատարը:
Հաճելի հավելում
ASUS-ը նաև առաջարկում է Perfect Warranty երաշխիքի ծրագիր։ Այն վերաբերում է 2025 թվականի հունվարի 1-ից գնված ASUS, ROG և TUF նոթբուքերին և ապահովում է պաշտպանություն պատահական անկումից, հոսանքի տատանումներից, հեղուկի պատճառած վնասից, ինչպես նաև ֆիզիկական վնասներից: ASUS Perfect երաշխիքից օգտվելու համար օգտատերը պետք է ստեղծի ASUS հաշիվ և գրանցի նոթբուքը գնումից հետո 90 օրվա ընթացքում:
