Հայ շախմատիստները համեստ տեղեր գրավեցին Dubai Open 2022-ում
Աջակցիր «Ա1+»-ինԱրաբական Միացյալ Էմիրություններում եզրագիծը հատեց շախմատի Dubai Open 2022 մրցաշարը:
Այսօր կայացած վերջին՝ 9-րդ տուրում, մեր գրոսմայստեր Արամ Հակոբյանը պարտվեց հնդիկ միջազգային վարպետ Սամեդ Ջայկումարին և դուրս մնաց մեդալային պայքարից: Նա 6 միավորով զբաղեցրեց 15-րդ տեղը և կստանա 1000 դոլար պարգևավճար:
Մեր մյուս շախմատիստը` Սամվել Տեր-Սահակյանը, հաղթեց հնդկուհի գրոսմայստեր Դիվյա Դեշմուխին, վաստակեց 6,5 միավոր և բարձրացավ 13-րդ հորիզոնական: Նա կպարգևատրվի 1200 դոլարով:
ԱՄՆ-ն ներկայացնող հայազգի շախմատիստ Վլադիմիր Հակոբյանը վերջին տուրում ոչ-ոքի խաղաց հնդիկ Նիտիշ Բելուրկարի հետ և վաստակած 5,5 միավորով գրավեց 31-րդ տեղը:
Մրցաշարի հաղթող դարձավ հնդիկ գրոսմայստեր Չիտամբարան Արավինդը, որը 9 հնարավորից վաստակեց 7,5 միավոր: Նա կխրախուսվի 13 հազար դոլարով:
