Բացել լրահոսը Փակել լրահոսը
A A

«Միկան» շրջանցեց «Փյունիկին»

Սպորտ

Ֆուտբոլի Հայաստանի առաջնության բարձրագույն խմբի մրցաշարի 5-րդ տուրում փոփոխվեց առաջնության առաջատարը:

Մրցաշարային աղյուսակը գլխավորող «Փյունիկը» հյուրընկալվելիս ոչ-ոքի խաղաց «Բանանցի» հետ` 1:1, ընդ որում դաշտի տերերը հաշիվը հավասարացրին խաղավերջում մրցավարի կողմից ավելացրած ժամանակում:

Երկրորդ տեղում ընթացող Աշտարակի «Միկան» սեփական հարկի տակ հաղթեց Կապանի «Գանձասարին»` 2:0: Արդյունքում, միկացիները մեկ միավորով առաջ անցան փյունիկցիներից եւ գլխավորեցին աղյուսակը:

Երրորդ տեղ բարձրացավ Երեւանի «Ուլիսը», որը իր հարկի տակ 2:0 հաշվով հաղթեց Երեւանի «Կիլիկիային»: Առաջնության նորեկ «Իմպուլսը» երկրորդ հաղթանակը տարավ այս մրցաշրջանում` Դիլիջանում առավելության հասնելով մրցաշարի ընդգծված ետնապահ Գյումրիի «Շիրակի» նկատմամբ` 2:1:

 Մրցաշարային աղյուսակ

Խ Մ

1. Միկա 5 12

2. Փյունիկ 5 11

3. Ուլիս 5 10

4. Բանանց 5 8

5. Իմպուլս 5 7

6. Կիլիկիա 5 6

7. Գանձասար 5 3

8. Շիրակ 5 0

 

Լավագույն ռմբարկուներ

Սամվել Մելքոնյան («Բանանց»)` 4

Էդուարդո դոս Սանթոս («Բանանց»)` 3

Արսեն Ավետիսյան («Գանձասար»)` 3

Մարկոս («Փյունիկ»)` 3