Քենտիկյանը պաշտպանեց տիտղոսը
Աջակցիր «Ա1+»-ինԳերմանիան ներկայացնող հայազգի պրոֆեսիոնալ բռնցքամարտիկ Սյուզի Քենտիկյանը հաղթելով նույն երկրի դրոշի տակ հանդես եկող մարոկացի Նադյա Ռաուիին, հերթական անգամ պաշտպանեց WIBF, WBA եւ WBO վարկածով աշխարհի չեմպիոնուհու կոչումը: Ինչպես տեղեկացնում են գերմանական լրատվամիջոցները, մրցամարտը մեծ բավականություն է պատճառել բռնցքամարտի սիրահարներին, քանի որ երկու մարզուհիներն էլ անընդհատ գրոհներ են ձեռնարկել եւ հարվածներ հասցրել միմյանց: Հաղթողին որոշելու համար հարկ է եղել հաշվել միավորները: Կողային մրցավարները հաղթանակը շնորհել են Սյուզի Քենտիկյանին` 2:1 (96:94, 95:96, 96:94): «Ես ինձ հաղթող եմ զգում: Բոլորովին չեմ հասկանում մրցավարների կայացրած որոշումը», - մրցամարտից հետո արտասվելով ասել է Նադյա Ռաուիին: Սյուզի Քենտիկյանը գնահատելով Ռաուիի ցույց տված դիմադրությունը, մեծ հարգանք է տածել նրա նկատմամբ եւ հանդիսականներին կոչ է արել ծափահարել նաեւ իր մրցակցին: «Եթե Նադյան ցանկանում է չեմպիոնուհի դառնալ, ապա պետք է ավելի շատ նոր որակներ ցույց տա: Ես արդարացի հաղթանակ տոնեցի», - հայտարարել է Քենտիկյանը: Ինչպես նշում են լրատվամիջոցները, հնարավոր է անցկացվի նոր ռեւանշ-մրցամարտ, քանի որ Ռաուիին դեռեւս պահպանում է WIBA վարկածով աշխարհի չեմպիոնուհու տիտղոսը:
