Գեղանկարչի առաջին սերը (տեսանյութ)
Գեղանկարը ՀՀ ժողովրդական նկարիչ Ստեփան Անդրանիկյանի առաջին սերն է, ու երբ կինոն դադարեց կինո լինելուց, «Տժվժիկ», «Մենք ենք, մեր սարերը», «Ճանապարհ դեպի կրկես», «Նռան գույնը» և էլի տասնյակ ֆիլմերի բեմադրող նկարիչը շարունակեց զբաղվել գեղանկարչությամբ:
Հայաստանի նկարիչների միությունում բացվել է նկարչի անհատական ցուցահանդեսը`տիեզերքն է ու անվանի մարդկանց դիմանկարները , մարդկանց որոնք իրենց մեծությամբ հասել են տիեզերքին` Հրաչյա Ներսիսյան, Սիամանթո, Կոմիտաս, Վիկտոր Համբարձումյան, Սերգեյ Փարաջանով, Լեոնիդ Ենգիբարով…
«Տիեզերքը ինձ համար մի թեմա է, որն իր մեջ պարունակում է անսահմանափակություն և հնարավորություն է տալիս անվերջանալիորեն իրեն նկարել: Իհարկե ավելի աբստրակտ է նկարվում, վերացական, քանի որ տիեզերքում որևէ կոնկրետ բան գոյություն չունի, ամեն ինչ քաոտիկ վիճակում է: Սակայն այդ կարծեցյալ քաոսը դառնում է օրգանական միասնություն»,- ասում է վարպետը:
