6 ամսեկան հղի կինն ազատ արձակվեց (տեսանյութ)
6 ամսեկան հղիություն ունեցող Սուսաննա Թադեւոսյանի խափանման միջոցն այսօր փոխվեց: Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը բավարարեց նրա պաշտպանի միջնորդությունը եւ հենց դատարանի դահլիճից ազատ արձակեց նրան: «Շատ շնորհակալ եմ մարդկանցից, ովքեր իմ կողքին էին, շատ շնորհակալ եմ արագ արձագանքելու եւ միջնորդությունս բավարարելու համար: Նոր տարվա կարելի է ասել նվեր է»,- «Ա1+»-ին ասաց պաշտպան Աննա Թամազյանը: Սուսաննա Թադեւոսյանը 10 օր է գտնվում էր կալանքի տակ: Պաշտոնական փաստաթղթեր վնասելու համար մեղադրվողը չէր ներկայացել դատական նիստերի դատավոր Արմեն Բեկթաշյանը որոշել է փոխել նրա խափանման միջոցը: Մինչ որոշումը հրապարակելը դատավոր Սուսաննա Թադեւոսյանից հետաքրքրվեց, ինչու չէր ներկայանում դատական նիստերին, ինչպես նաեւ հարց բարձրացրեց: «Իսկ որեւէիցե փաստաթուղթ ներկայացրել եք, որ դուք հղի եք, բա դատարանը որտեղից իմանար»: Պաշտպանը դատարանին վստահեցրեց նաեւ, որ հաջորդ դատական նիստերին իրենք պարբերաբար կներկայանան: Իսկ Սուսաննա Թադեւոսյանին տանը սպասում է 1,5 տարեկան երեխան: