A
A
Էլինա Դանիելյանը կրկին պարտվեց
Գրոսմայստեր Էլինա Դանիելյանը երկրորդ պարտությունը կրեց Տաշքենդում շարունակվող շախմատի կանանց Գրանդ պրիի մրցաշարում:
Երրորդ տուրում մեր ուժեղագույն շախմատիստուհին սեւերով պարտվեց ուկրաինուհի Կատերինա Լահնոյին: Այս սայթաքումից հետո Էլինա Դանիելյանը նահանջեց նախավերջին 11-րդ հորիզոնական: Աղյուսակը վստահ գլխավորում է հնդկուհի Հումպի Կոներուն, որը 3 հնարավորից վաստակել է 3 միավոր:
Վաղը նախատեսված 4-րդ տուրում Էլինա Դանիելյանը սպիտակ խաղաքարերով կմրցի աշխարհի նախկին չեմպիոնուհի, բուլղարացի Անտոանետա Ստեֆանովայի հետ:
