Քաղաքացին Կարմիր գրքում գրանցված երկու կռունկ է նվիրել Կենդանաբանական այգուն (տեսանյութ)

Աջակցիր «Ա1+»-ին

Երևանի կենդանաբանական այգու 2 նոր բնակիչներն են՝ պսակակիր կռունկները, որոնց մասնավոր անձը նվիրաբերել է Այգուն:

Կռունկների ընտանիքին պատկանող այս թռչունները Կարմիր գրքում գրանցված են որպես վտանգված տեսակ:

Տարածված են Աֆրիկայում: Նրանց մարմնի բարձրությունը 90-104 սմ է: Հիմնականում սնվում են բուսական ծագման կերերով: Բազմացման ընթացքում դնում են 2-3 ձու, որոնց վրա նստում են 28-30 օր: Ծնողները հավասարապես հոգ են տանում ձվերի մասին:

Ձագերը ծնվելուց անմիջապես հետո ծնողների հետ մասնակցում են կերի հայթայթման ընթացքին:

Պսակակիր կռունկներն աչքի են ընկնում իրենց գեղեցկությամբ: Նրանց հեշտ է ճանաչել գլխի ոսկեգույն «թագի» շնորհիվ: Երևանի կենդանաբանական այգի