Ռուսական ՏՏ ներկայացուցիչներն «օգնեցին» ՀՀ կառավարությանը (տեսանյութ)
Աջակցիր «Ա1+»-ինՉնայած համաշխահային տնտեսական ճգնաժամին՝ Հայաստանում տնտեսական աճ է գրանցվել։ Պաշտոնական վիճակագրության համաձայն՝ տարվա առաջին կեսին այն հասել է 11,8 տոկոսի՝ նախորդ տարվա նույն ժամանակահատվածի համեմատ։
Հատկապես տնտեսական ակտիվություն է արձանագրվել ծառայությունների ոլորտում՝ 26.9 տոկոս աճով:
Արտաքին առեւտրաշրջանառության ծավալը նույն ժամանակահատվածում ավելացել է 44%-ով: Ընդ որում ավելի ակտիվ է եղել ներմուծումը, քան արտահանումը։ Փոխարենը գյուղատնտեսության համախառն արտադրանքի ծավալը նվազել է 5.5 %-ով։
Տնտեսական աճի վերաբերյալ ցանկացած հայտարարություն միանշանակ չի ընդունվում հանրության տարբեր շերտերի կողմից։ Տնտեսագետները փաստում են՝ այդ աճը միջին և ցածր խավի մարդկանց կյանքում դրական փոփոխությունների չի բերել։
Ինչու Հայաստանը ներդրումների համար գրավիչ չի դառնում օտարերկրացիների համար։ Տնտեսագետների խոսքով՝ պատճառները մի քանիսն են՝ փոքր շուկա, տնտեսական շրջափակում և պատերազմի վտանգ։
Կենտրոնական բանկը 2022-ի համար կանխատեսել էր 5.3 տոկոս տնտեսական աճ, սակայն մարտին վերանայել էր, իջեցրել ու հասցրել 1.6 տոկոսի: Հունիսին Կենտրոնական բանկը վերանայեց տնտեսական աճի կանխատեսումը՝ հասցնելով 4.9 տոկոսի: Նոր կանխատեսումը կհրապարակվի սեպտեմբերին։
Հավելենք, որ Կենտրոնական բանկը շարունակում է 2022 թվականի համար կանխատեսել 8.5 տոկոս գնաճ։