A
A
Մենք պարտավոր էինք ընտրել Սահմանադրական դատարանի նախագահ․ Արման Դիլանյան (տեսանյութ)
Աջակցիր «Ա1+»-ինԻմ կարծիքով՝ մենք պարտավոր էինք ընտրել Սահմանադրական դատարանի նախագահ։ Այս մասին լրագրողների հետ զրույցում հայտարարեց ՍԴ նորընտիր նախագահ Արման Դիլանյանը՝ հավելելով, որ իր համար շարունակում է ավելի գրավիչ մնալ ՍԴ դատավորի պաշտոնը և ոգևորված չէ, որ ընտրվել է ՍԴ նախագահ։
Դիլանյանն ասաց՝ իր օգտին քվեարկել է 6 դատավոր։
Հարցին, թե ինչպես է պատկերացնում աշխատանքը Հրայր Թովմասյանի, Արևիկ Պետրոսյանի հետ, Դիլանյանն ասաց՝ չկա դժվարություն, որը հաղթահարելի չէ։
Ինչ վերաբերում է ՍԴ փոխնախագահի պաշտոնին, Դիլանյանն ասաց՝ այդ հարցի քննարկմանը դեռ չեն հասել։
Նորընտիր նախագահը վստահեցրեց՝ ամեն ինչ անելու են, որպեսզի ունենանք ժողովրդի լիարժեք վստահությունը վայելող Սահմանադրական դատարան։
