«Միկան» հաղթեց «Փյունիկին»
Աջակցիր «Ա1+»-ինԱյսօր տեղի ունեցավ ֆուտբոլի Հայաստանի բարձրագույն խմբի 21-րդ տուրի կենտրոնական հանդիպումը: Աշտարակի «Միկան» իր մարզադաշտում հյուրընկալեց առաջնության միանձնյա առաջատար «Փյունիկին»: Երկրորդ խաղակեսում դաշտի տերերը, երկու անգամ գրավելով մրցակցի դարպասը, անչափ կարեւոր հաղթանակ տարան: Հանդիպման 52-րդ րոպեին «Միկայի» բրազիլացի պաշտպան Ալեքսը հեռահար հարվածով գեղեցիկ գոլ խփեց, իսկ 74-ին թիմի ավագ Ալեքսանդր Թադեւոսյանը 11 մ հարվածով կրկնապատկեց հաշիվը: Այս հաղթանակից հետո «Միկան» կրկին կրճատեց «Փյունիկի» նկատմամբ եղած միավորների տարբերությունը' այն հասցնելով 3-ի:
Խաղից հետո դաշտի տերերի գլխավոր մարզիչ ՍամվելԴարբինյանն ասաց, որ գոհ է թե թիմի խաղից, եւ թե արդյունքից: «Կիլիկիայից» կրած պարտությունից հետո մենք այլեւս նահանջելու տեղ չունեինք: Այսօր բոլոր տղաներն էլ լավ խաղացին: Ինձ թվում է, որ առաջնության 4-րդ շրջանն ավելի հետաքրքիր պայքարում կանցնի»:
«Փյունիկի» գլխավոր մարզիչ Վարդան Մինասյանը համաձայնեց իր տարեց գործընկերոջ հետ, նշելով, որ մրցակիցը, իրոք, արժանի հաղթանակ տարավ: «Չգիտեմ ինչն էր պատճառը, բայց այսօր «Փյունիկը» շատ վատ խաղաց: Միգուցե պատճառն այն էր, որ հավաքականի հանդիպումներից հետո տղաները կորցրել էին ռիթմի զգացողությունը: Համենայդեպս, առաջատարների մրցավեճ էր, եւ մեր ցույց տված խաղով մենք չէինք կարող հաղթել»:
21- տուր մյուս հանդիպումները
«Բանանց» - «Կիլիկիա» 5:0
«Արարատ» - «Ուլիս» 1:1
«Շիրակ» - «Գանձասար» 2:1
Մրցաշարային աղյուսակը
Սեպտեմբերի 14-ի դրությամբ
Թիմ Խ Հ Ո Պ Գ Մ
1 «Փյունիկ» 21 14 5 2 39-10 47
2 «Միկա» 21 14 2 5 46-23 44
3 «Ուլիս» 21 12 4 5 32-15 40
4 «Բանանց» 21 11 2 8 32-20 35
5 «Գանձասար» 21 9 2 10 18-29 29
6 «Շիրակ» 21 4 7 10 18-42 19
7 «Կիլիկիա» 21 4 3 14 17-37 15
8 «Արարատ» 21 1 5 15 10-36 8
Ռմբարկուներ
Բոտի Դեմել («Միկա»)' 11
Հենրիխ Մխիթարյան («Փյունիկ»)' 11
Արթուր Քոչարյան («Ուլիս»)' 10
Արամ Ոսկանյան («Միկա»)' 10
Արտյոմ Ադամյան («Ուլիս»)' 8
22-րդ տուր
19.09. «Միկա»-«Գանձասար»
19.09. «Արարատ»-«Շիրակ»
20.09. «Բանանց»-«Փյունիկ»
20.09. «Ուլիս»-«Կիլիկիա»
