Բացել լրահոսը Փակել լրահոսը
A A

ՓԱՇԻԿՅԱՆԻ ԱՌԱՋԻՆ ՊԱՐՏՈւԹՅՈւՆԸ

Սպորտ

Շախմատի մինչեւ 20 տարեկանների առաջնությունում Հայաստանի ներկայացուցիչներից առայժմ մեդալի հավակնում է միայն Հրանտ Մելքումյանը, որը անցկացրած 5 պարտիաներում 4 միավոր է վաստակել եւ ընթանում է 7-րդ տեղում:

Այս տուրում Արման Փաշիկյանը կրեց իր առաջին պարտությունը եւ այժմ 3 միավորով ընթանում է ընդամենը 20-րդ հորիզոնականում: Ավետիք Գրիգորյանը 3.5 միավորով 14-րդ տեղում է: Մրցաշարային աղյուսակը 4.5 միավորով գլխավորում է ֆիլիպինցի Վեսլի Սոն:

Աղջիկների պայքարում մեր շախմատիստուհիներից լավագույն արդյունքը ունեն Աննա Հայրապետյանը եւ Անահիտ Խաչատրյանը, որը 3-ական միավորով ընթանում են աղյուսակի միջնամասում:

2 ՄԵԴԱԼ ԵՎՐՈՊԱՅԻ ԱՌԱՋՆՈւԹՅՈւՆՈւՄ

Ձյուդոյի Եվրոպայի երիտասարդական առաջնությունում Հայաստանի հավաքականը 2 մեդալ է նվաճել: Հայաստանի ձյուդոյի ֆեդերացիայից «Ա1+»-ին հայտնեցին, որ 52 կգ Անուշ Հակոբյանը իր քաշային կարգում դուրս է եկել եզրափակիչ եւ պարտություն կրել: Անուշը արժանացել է արծաթե մեդալի: 90կգ քաշային կարգում Հակոբ Առաքելայնը նվաճել է բրոնզե մեդալ: Հայաստանի մյուս ներկայացուցիչներին մրցանակային տեղ գրավել չի հաջողվել:

Հայ երիտասարդները կմասնակցեն նաեւ նոյեմբերի 24-ին Ավստրիայի Զալցբուրգ քաղաքում կայանալիք Եվրոպայի մինչեւ 23 տարեկանների առաջնությանը: