ԱՌԱՋԱՏԱՐՆԵՐԸ ԵՐԵՔՆ ԵՆ
Աջակցիր «Ա1+»-ինՄինչեւ 20 տարեկան տղաների եւ աղջիկների շախմատի աշխարհի առաջնության երրորդ տուրի ավարտից հետո մրցաշարային աղյուսակը 100 տոկոսանոց արդյունքով գլխավորում են իսրայելցի Մաքսիմ Ռոդշտեյնը, անգլացի Դավիդ Հովելը եւ չինացի Հաո Վանգը:
Տիգրան Պետրոսյանի անվան շախմատի տանը ընթացող մրցաշարում հայ շախմատիստներից լավագույն արդյունքը ունի Արման Փաշիկյանը, որը 2.5 միավորով գտնվում է ութերորդ հորիզոնականում: 3-րդ տուրում Փաշիկյանը ոչ-ոքի խաղաց: Ցավոք այս տուրում պարտություն կրեց Ավետիք Գրիգորյանը, որից սպասելիքները մեծ են: Գրիգորյանը այժմ 1.5 միավորով ընդամենը 35-րդն է: Սակայն մասնագետների վկայությամբ առաջնությունում դեռ ամեն ինչ նոր է սկվում եւ մինչեւ մրցաշարի ավարտը մրցաշարային աղյուսակում շատ լուրջ փոփոխություններ կլինեն: Դա պայմանավորված նրանով, որ պատանիները անցկացնելու են միանգամից 13 տուր: Տիգրան Մամիկոնյանը, Հայկ Թամազյանը եւ Հրանտ Մելքումյանը երկուական միավորով ընթանում աղյուսակի միջնամասում:
Աղջիկների պայքարում Հայաստանի ներկայացուցիները առայժմ անհաջող են հանդես գալիս: Նունե Դարբինյանը, Լիա Մարտիրոսյանը, Աննա Հայրապետյանը եւ Նարինե Ղազարյանը 2-ական միավորով առայժմ հեռու են առաջատարների խմբից:
