A
A
ՖԻՄԱ թիմը` Հայաստանի չեմպիոն
2013 թվականի Հայաստանի տղամարդկանց վոլեյբոլի առաջնության հաղթող դարձավ Երեւանի ֆիզիկական կուլտուրայի ինստիտուտի մարզական ակումբի թիմը:
Այսօր Երեւանի խուլ-համրերի մարզադահլիճում կայացած եզրափակիչ խաղում ուսանող վոլեյբոլիստները 3:1 հաշվով հաղթեցին Ստեփանակերտի Արցախին եւ նվաճեցին չեմպիոնի կոչումը: Մրցանակային երրորդ տեղը զբաղեցրեց Կապանի «Լեռեքսը»:
Հիշեցնենք, որ այս տարվա առաջնությանը մասնակցեցին ընդամենը 5 թիմ: Վերը նշված եռյակից բացի հանրապետության չեմպիոնի կոչման համար պայքարեցին նաեւ Երեւանի «Դինամոն» եւ Արմավիրի համանուն թիմերը:
