A
A
Կանխվել է խմբակային փախուստի փորձը
Այսօր՝ դեկտեմբերի 7-ին, ժամը 20.30-ի սահմաններում ԱՆ «Վանաձոր» քրեակատարողական հիմնարկի աշխատակիցների ձեռնարկած օպերատիվ միջոցառումների արդյունքում կանխվել է խմբակային փախուստի փորձը: Այս մասին «Ա1+»-ին հայտնում է ԱՆ Քրեակատարողական վարչության հանրային կապերի բաժինը:
Պատիժը կրող երեք դատապարտյալներ մետաղասղոցի կոտրված թիթեղների միջոցով կտրել են խցի վանդակաճաղի մի հատված եւ այն քողարկել մաստակով:
Զննությամբ սեղանի ոտքի եւ վերեւի հատվածի արանքից, ինչպես նաեւ դատապարտյալներից մեկի կոշիկի մեջից / սուբինատոր/ հայտնաբերվել են մետասղոցի երկու թիթեղները:
Կատարվում է հետաքննություն:
