Մանկավարժականի դասերը հնարավոր է դադարեցվեն (տեսանյութ)
Մանկավարժական համալսարնի ուսանողների դասերն արեդն 10 օր է ուղեկցվում են աղմուկով: Համալսարանի հարևանությամբ «Լավանդա» դեղատուն շինարարություն է իրականացվում; « Օրվա ընթացքում տարբեր ժամերին մեծ աղմուկ է բարձրանում եւ ամբողջ դասապրոցեսը խանգարվում է: Նույնիսկ դասախոսը դադարեցնում է դասը՝ սպասելով աղմուկը մի փոքր համդարտվի», ասաց Մանկավարժական համալսարանի ուսանողներից Արման Աբրահամյանը:
Համալսարանի ղեկավարությունն աղմուկի մասին առաջին բողոքը ստացել է Պատմության և իրավագիտության ֆակուլտետի դեկանից, քանի որ աղմուկի ժամերը ամենից շատ համընկնում են այս ֆակուլտետի դասաժամերին;
«Պատկերացրեք, որ մեր ակադեմիական ժամը 80 րոպե է: Այդ 80 րոպեի ընթացքում ուսանողը չգիտի դասախոսություն լսի, թե աղմուկ»,- ասաց Պատմության և իրավագիտության ֆակուլտետի դեկան Էդիկ Գեւորգյանը:
Շինարարական աշխատանքները սկսվում են վաղ առավոտից և տևում են մինչև աշխատանքային օրվա ավարտը:
Համալսարանի Ընդհանուր աշխատանքների գծով պրոռեկտոր Արմեն Թամազյանը բազմիցս փորձել է կապ հաստատել «Լավանդայի» սեփականատիրոջ հետ:
«Մեր հորդորներին եւ խնդրանքներին սեփականատերը չի արձագանքել: Սեփականատերը` Արայիկ Հայրապետյանն է»,- «Ա1+»-ին ասաց պարոն Թամազյանը:
Մանկավարժական համալսարանի ղեկավարությունը մի քանի անգամ առաջարկել է շինարարությունը շարունակել ուսումնական պրոցեսի ավարտից հետո:
Ի դեպ, մի քանի ժամ անց համալսարանից մեզ հայտնեցին, որ շինարարության պատճառով վնասվել է համալսարանի ջեռուցման խողովակը: Այն չվերականգնելու դեպքում 6000 ուսանողի համար դասերը ստիպված կդադարեցվեն:
