Անասնակեր է այրվել
Նոյեմբերի 1-ին, ժամը 13.20-ին տեղեկություն է ստացվել, որ Գեղարքունիքի մարզում' Վարդենիսի Կամոյի փողոցում այրվում է պահեստավորված անասնակեր:
Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 13.45-ին, մարվել՝ 14.50-ին:
Հ. Ասատրյանին պատկանող տան մոտ այրվել է 400 հակ անասնակեր:
Վտանգը չեզոքացվել է
Նոյեմբերի 1-ին, ժամը 17.07-ին ահազանգ է ստացվել, որ Երևանի Մոլդովական 29/6 շենքի տանիքից մետաղյա կառուցատարր է պոկվել և կախվել, որը վտանգ է սպառնում անցորդներին:
Դեպքի վայր է մեկնել մեկ մարտական հաշվարկ:
Հրշեջ-փրկարարներն անվտանգ իջեցրել են տանիքից կախված մետաղյա կոնտրուկցիան կառույցը:
Փրկարարներն օգնում են հիվանդանոց տեղափոխել
Նոյեմբերի 1-ին, ժամը 17.20-ին ահազանգ է ստացվել, որ Երևանի Կիևյան
11ա շենքի 4-րդ բնակարանի բնակչին շտապօգնության աշխատակիցները չեն կարողանում տանից իջեցնել՝ ծանրամարմին լինելու պատճառով:
Դեպքի վայր է մեկնել ՃԿԿ արձագանքման խումբը:
Փրկարարները տանից անվնաս իջեցրել են 1926 թ. ծնված Տիգրան Տիգրանյանին:
Վերջինիս տեղափոխել են «Արմենիա» բժշկական կենտրոն։
Թունավորում դեղորայքի չարաշահումից
Նոյեմբերի 1-ին, ժամը 20.00-ի սահմաններում Գրիբայեդովի 26 շենքում գտնվող գեղեցկության սրահից դեղորայքի չարաշահումից թունավորումով «Սուրբ Գրիգոր Լուսավորիչ» բժշկական կենտրոն է տեղափոխվել 1989 թ. ծնված Գայանե Ներսիսյանը:
Ըստ բժիշկների' տուժածի առողջական վիճակը միջին ծանրության է:
