Գայլերն այծ են հոշոտել
Հոկտեմբերի 26-ին, ժամը 09.28-ին Արագածոտնի մարզի Սաղմոսավան գյուղում Հովսեփյանին պատկանող անասնագոմում գիշերը գայլերը հոշոտել են մեկ այծ:
Ծառը շրջվել է եկեղեցու տանիքին
Հոկտեմբերի 28-ին, ժամը 08.49-ին ահազանգ է ստացվել, որ Կոտայքի մարզում' Ծաղկաձորի Օլիմպիական փողոցում 35-40 մ երկարությամբ ծառը շրջվել է և ընկել Սուրբ Հարություն եկեղեցու տանիքին:
Դեպքի վայր է մեկնել մեկ մարտական հաշվարկ:
Փրկարարները ծառը մասնատել և տեղափոխել են անվտանգ տարածք:
Վնասվել են եկեղեցու ցանկապատը՝ 13 քմ մակերեսով (քարե՝ 3 քմ, երկաթե՝ 10 քմ) և մասամբ՝ տանիքի անկյունաքարերը:
Դեպքի մասին տեղյակ են պահվել քաղաքապետարանի և մշակույթի նախարարության աշխատակիցները:
Մեքենան Սևանա լճում
Հոկտեմբերի 28-ին, ժամը 15.00-ին ահազանգ է ստացվել, որ Սևան-Մարտունի ավտոճանապարհի 2-րդ կմ-ում (Լճաշեն գյուղի հատված) ավտոմեքենան դուրս է եկել ճանապարհի երթևեկելի մասից և ընկել Սևանա լիճը:
Դեպքի վայր է մեկնել հատուկ ջրափրկարարական ջոկատի հերթապահ խումբը:
Դեռևս չբացահայտված հանգամանքներում ժամը 01.00-ին սահմաններում, «Ֆոլքսվագեն Գոլֆ» մակնիշի 33 ՕՏ 544 պ/հ ավտոմեքենան դուրս է եկել ճանապարհի երթևեկելի մասից և ընկել Սևանա լիճը:
Ջրափրկարարների և ավտոկռունկի օգնությամբ ավտոմեքենան դուրս է բերվել լճից:
Զոհեր և տուժածներ չկան:
Շրջվել է մոտոցիկլ
Հոկտեմբերի 28-ին, ժամը 17.30-ին ահազանգ է ստացվել, որ Երևանի «Լամբադա» կամրջին տեղի է ունեցել ՃՏՊ և կան տուժածներ:
Դեպքի վայր է մեկնել մեկ մարտական հաշվարկ:
Դեռևս չպարզված հանգամանքներում «Հունդայ» մակնիշի 01 ԼԼ 179 պ/հ մոտոցիկլը (վարորդ' 1967 թ. ծնված Դավիթ Դավթյան) բախվել է «Կալինա» տաքսի ծառայությանը պատկանող «Լադա» մակնիշի Լ2220 պ/հ ավտոմեքենային (վարորդ' 1967 թ. ծնված Հրաչ Ղազարյան):
Պատահարի հետևանքով Դ. Դավթյանը ստացել է տարբեր մարմնական վնասվածքներ և տեղափոխվել «ՍուրբԳրիգոր Լուսավորիչ» բժշկական կենտրոն:
Բժիշկների գնահատմամբ' տուժածի առողջական վիճակը բավարար է:
Այս մասին հայտնում է ԱԻՆ-ը։
