Բացվելու է առաջին հեծանվուղին
«Կանաչաստան» ՀԿ-ն կազմակերպում է Երևանի առաջին հեծանվուղու և գունազարդված կամարանցումի բացման հանդիսավոր արարողությունը, որը տեղի կունենա հոկտեմբերի 10-ին ժամը 14:30-ին Օղակաձև զբոսայգու Առագաստ սրճարանին կից այգում: Այն ձգվելու է Առագաստ սրճարանին հարող այգուց մինչև Զորավար Անդրանիկի արձանի հարևանությամբ գտնվող այգին:
Նախատեսվում է կենդանի ջազ համերգ The Nooz Band-ի մասնակցությամբ, նկարչի կողմից 3D վարպետության դաս երիտասարդների համար: Ինչպես նաև ցանկացողներին անվճար հիմքունքներով տրվելու են հեծանիվներ նոր հեծանվային արահետով երթևեկելու համար:
Ծրագիրն իրականացվում է Քաունթերփարթ ինթերնեյշնլի և ԱՄՆ միջազգային զարգացման գործակալության աջակցությամբ և Երևանի քաղաքապետարանի հետ համագործակցությամբ:
Հիշեցնենք, որ արդեն մեկ տարի է, ինչ «Կանաչաստանը» համատեղ աշխատանքներ է իրականացնում Քաղաքապետարանի համապատասխան ստորաբաժանումների հետ` Երևանում հեծանվային տրանսպորտի զարգացման ուղղությամբ:
