A
A
Անժառանգների թոշակը կմտնի պետբյուջե
2014թ.-ին սպասվելիք Կենսաթոշակային բարեփոխումների արդյունքում մինչև 63 տարին լրանալը մահացած ժառանգ չունեցող անձանց պարտադիր կուտակային միջոցները մնալու են կենսաթոշակային ֆոնդում և կառավարվելու են ֆոնդի կառավարչի կողմից։
«Եթե նրա մահը հաստատելուց հետո 3 տարվա ընթացքում չի հայտնվում այդ անձի որևէ ժառանգ, դա անցնում է պետությանը»,- ասաց ՀՀ ֆինանսների փոխնախարար Վարդան Արամյանը։
Որոշումը կայացնում է, սակայն, դատարանը։
«Դատական կարգով պետությունը հայց է ներկայացնում, որ այդ միջոցները ճանաչվեն անժառանգ և փոխանցվեն պետբյուջե»,- ասաց Վարդան Արամյանը։
Եթե նույնիսկ 3 տարի հետ հայտնվի որևէ մեկը և դատարանի միջոցով ապացուցի, որ նա մահացածի ժառանգն է, ապա նրա կուտակային միջոցները կսկսի տնօրինել նոր ի հայտ եկած ժառանգը։
