ԱՄՆ-Իրան հրադադար՝ վիճելի նախադրյալներով

Իրանի և ԱՄՆ-ի միջև թեև ապրիլի 8-ին հրադադարի պայմանավորվածություն էր ձեռք բերվել, սակայն կողմերն օրվա ընթացքում հայտնել են խախտումների մասին: Շատ երկրներ ու միջազգային կազմակերպություններ ուշադիր հետևում են գործընթացին, քանի որ հնարավոր հրադադարն ունի լայն էքսպանսիա՝ սկսած տարածաշրջանային կայունությունից մինչև համաշխարհային անվտանգության խնդրի լուծում:

Իրանի դիրքորոշում

Իրանի արտգործնախարար Աբբաս Արաղչին որոշել է ուղիղ և հստակ ձևակերպել Իրանի ակնկալիքները՝ շեշտելով, որ ԱՄՆ-ն պետք է ընտրի՝ ցանկանում է շարունակե՞լ պատերազմն Իսրայելի հետ, թե՞ խելամիտ խաղաղություն հաստատել՝ հրադադարի համաձայնությամբ։ Արաղչիի խոսքով՝ երկուսի համատեղումն անհնար է։ Իրանի իշխանությունները համարում են, որ «հրադադարն առանց Լիբանանի երբեք չի կարելի իրականություն դարձնել»։

Ամերիկայի Միացյալ Նահանգների տեսակետը

Միացյալ Նահանգների կողմից, հատկապես Սպիտակ տան խոսնակ Քերոլայն Լևիթի բացատրություններից, հստակ է, որ ԱՄՆ-ն դեռևս չի պատրաստվում զիջել իր կարմիր գծերը։ 

«Իրանն սկզբում առաջարկեց 10 կետից բաղկացած ծրագիր, որն անընդունելի էր։ Ապա առաջարկեցին ավելի ողջամիտ, բոլորովին այլ և հակիրճ ծրագիր։ Նախագահ Թրամփի կարմիր գծերը, մասնավորապես՝ Իրանի ուրանի հարստացման դադարեցումը, չեն փոխվել»,- ասել է Լևիթը։ 

Լիբանանի վերաբերյալ իրավիճակը մնում է կարևոր հարցերից մեկը։ Իսրայելի վարչապետ Բենիամին Նեթանյահուն, ի պատասխան հարցերի, նշել է, որ Իսրայելը կշարունակի կոշտ քաղաքականություն։

«Մենք դեռ ունենք որոշ նպատակներ, որոնք պետք է իրականացնենք, դրանց կհասնենք կա՛մ համաձայնագրի, կա՛մ պատերազմի վերսկսման միջոցով»,- ասել է Նեթանյահուն։

Իրանական ԶԼՄ-ների փոխանցմամբ՝ Իսլամաբադում ԱՄՆ-Իրան բանակցություններից առաջ սահմանափակվել է դեպի կառավարական շենքերի համալիր մուտքը։ Ապրիլի 9-ը և 10-ը հայտարարվել են ոչ աշխատանքային օրեր։