A
A
Չպետք է թույլ տանք, որ ադրբեջանական ներխուժումները սովորական դառնան․ Թաթոյան (տեսանյութ)
Աջակցիր «Ա1+»-ին«Սյունիքի մարզի Տեղ գյուղում պատերազմից հետո անվտանգային խնդիրները սրվել են. մարդիկ չեն կարողանում լիարժեք օգտվել իրենց արոտավայրերից, մշակել հողը կամ զբաղվել անասնապահությամբ, ասվում է «Միասնության թևեր» քաղաքական նախաձեռնության ֆեյսբուքյան էջում։
Մարդիկ կանգնած են փաստի առաջ, քանի որ ադրբեջանական ներխուժումների հետեւանքով զրկվել են հողատարածքներից, սահմանափակված են իրենց իսկ ռեսուրսների օգտագործման մեջ, ինչն իր հերթին բերում է սոցիալական խնդիրների խորացման։
«Միասնության թևերի» թիմը, Արման Թաթոյանի ղեկավարությամբ, նշել է, որ ամեն ինչ անելու են մարդկանց խախտված իրավունքները վերականգնելու համար, այդ թվում՝ միջազգային կառույցներ գանգատներ ներկայացնելով։
«Մենք չպետք է թույլ տանք, որ ադրբեջանական ներխուժումները մեր տարածքում սովորական դառնան։ Մենք այդ հարցը միջազգային օրակարգ ենք բերելու», - ասել է «Միասնության թեւերի» ղեկավար Արման Թաթոյանը։
