Բացել լրահոսը Փակել լրահոսը
77
A A
Սպորտ

Էմերսոնը դարձավ առաջին ֆուտբոլիստը, որը նվաճեց եվրոպական հինգ գավաթները

Լոնդոնի «Վեսթ Հեմի» պաշտպան Էմերսոն Պալմիերին դարձավ առաջին ֆուտբոլիստը, որը նվաճեց ներկայիս եվրոպական ֆուտբոլի հինգ գավաթները։

 

2019 թվականին նա «Չելսիի» կազմում հաղթել էր Եվրոպայի լիգայում և տիրել ՈՒԵՖԱ-ի գավաթին: Երկու տարի անց Էմերսոնը լոնդոնցիների հետ դառնում է Չեմպիոնների լիգայի հաղթող և ՈՒԵՖԱ-ի Սուպերգավաթակիր։ Էմերսոնը Իտալիայի հավաքականի կազմում հաղթել է նաև Եվրո-2020-ում և դարձել չեմպիոն։ Երեկ Կոնֆերենսիայի լիգայի եզրափակիչում «Վեսթ Հեմը» 2:1 հաշվով պարտության է մատնել «Ֆիորենտինային» և տիրել մրցանակին: Դա Էմերսոն Պալմիերիի թվով 5-րդ եվրոպական գավաթն է:

 

Նշենք, որ նա «Վեսթ Հեմ» է տեղափոխվել «Չելսիից» 2022 թվականի ամռանը։ Անցած մրցաշրջանում բոլոր մրցաշարերում Էմերսոնն անցկացրել է 34 հանդիպում՝ դառնալով 2 գոլի և 2 գոլային փոխանցման հեղինակ։