A
A
Բելառուսի ֆուտբոլի չեմպիոնը զրկվեց իր տիտղոսից
Աջակցիր «Ա1+»-ինԲելառուսի ֆուտբոլի ֆեդերացիան 2022 թվականի չեմպիոն Սոլիգորսկի «Շախտյորին» զրկել է իր տիտղոսից: Այդ մասին հայտնում է երկրի ֆուտբոլի ֆեդերացիան:
«ԲՖՖ-ի վերահսկիչ, կարգապահական և էթիկայի հանձնաժողովը դիտարկել է Բելառուսի Հանրապետության քննչական կոմիտեից ստացված տեղեկությունը, ըստ որի «Շախտյորի» ղեկավարությունն առաջնության ընթացքում բարձրագույն լիգայի թիմերի հետ պայմանավորվել են խաղերի հաշվի հարցում, ինչպես նաև ֆինանսապես խրախուսել են մրցակից թիմերին»,- ասված է հաղորդագրության մեջ։
Երկրորդ տեղը գրաված «Էներգետիկ-ԲԳՈւ Մինսկը» նույնպես զրկվել է արծաթե մեդալներից:
Երկու ակումբները Բելառուսի առաջնության հաջորդ երկու մրցաշրջանները կսկսեն տուգանային միավորներով, բաից այդ չեն մասնակցի եվրոպական գավաթների առաջիկա մրցաշարերին:
