Սպիտակի մանկապատանեկան մարզադպրոցում վերանորոգվել է բռնցքամարտի մարզադահլիճը

Սպիտակում հիմնանորոգվել է մանկապատանեկան մարզադպրոցի բռնցքամարտի մարզադահլիճը։ Այդ մասին տեղեկացնում է ԿԳՄՍ նախարարության մամուլի ծառայությունը։

Հիմնովին վերանորոգված մարզադահլիճը հագեցվել է անհրաժեշտ մարզագույքով, տեղադրվել է պրոֆեսիոնալ ռինգ, որտեղ իրենց մարզումներն առավել արդյունավետ անցկացնելու հնարավորություն կունենան բազմաթիվ պատանիներ:

Ինչպես տեղեկացրել է ԿԳՄՍ փոխնախարար Կարեն Գիլոյանը, պետությունից բացի հիմնանորոգման համա ներդրումներ է կատարել նաև անվանի բռնցքամարտիկ Անդրանիկ Հակոբյանն ու նրա ընկերները։

Մարզադահլաճի վերաբացմանը մասնակցել է հունահռոմեական ոճի ըմբիշ, օլիմպիական չեմպիոն Արթուր Ալեքսանյանը։