Քաթար-2022-ի վիճակահանություն. լուրջ փորձություն սպասվում է Բրազիլիային

Քաթարի մայրաքաղաք Դոհայում այսօր կայացավ ֆուտբոլի 2022թ աշխարհի առաջնության խմբային փուլի վիճակահանությունը։

Մասնակից հավաքականները իրենց դասակարգմամբ նախապես բաժանվել են 4 զամբյուղների։ Առաջինում ընդգրկվել էին խմբերի առաջատարները:

Վիճակահանության արդյունքներով ձևավորվեցին հետևյալ 8 խմբերը.

A խումբ` Քաթար, Նիդեռլանդներ, Սենեգալ, Էկվադոր

B խումբ` Անգլիա, ԱՄՆ, Իրան, Ուելս-Շոտլանդիա/Ուկրաինա  զույգի հաղթող

C խումբ` Արգենտինա, Մեքսիկա, Լեհաստան, Սաուդյան Արաբիա

D խումբ` Ֆրանսիա, Պերու/Ավստրալիա-ԱՄԷ զույգի հաղթողը, Դանիա, Թունիս

E խումբ` Իսպանիա, Կոստա Ռիկա-Նոր Զելանդիա զույգի հաղթող, Գերմանիա, Ճապոնիա

F խումբ` Բելգիա, Խորվաթիա, Մարոկո, Կանադա

G խումբ` Բրազիլիա, Շվեյցարիա, Սերբիա, Կամերուն

H խումբ` Պորտուգալիա, Ուրուգվայ, Հարավային Կորեա, Գանա

Ըստ նախնական գնահատականների, առաջնության առաջատարներից առավել դժվար խմբում հայտնվել է Բրազիլիայի ընտրանին:

Աշխարհի առաջնությունը կմեկնարկի նոյեմբերի 21-ին, կավարտվի` դեկտեմբերի 18-ին։