Ադրբեջանը մեզ չպիտի շեղի տարածաշրջանում խաղաղություն հաստատելու ճանապարհից․ Վ․ Խաչատուրյան (տեսանյութ)
Աջակցիր «Ա1+»-ինՀՀ նորընտիր նախագահ Վահագն Խաչատուրյանն այսօր վերջին անգամ էր մասնակցում գործադիրի նիստին։ Նիստի ավարտից հետո լրագրողների հեոտ ճեպազրույցում Խաչատուրյանը շնորհակալությույն հայտնեց լրագրողներից 7 ամսվա համատեղ աշխատանքի համար՝ նշելով, որ ինքն աշխատել է լրագրողների հետ կապը պահել և հույս հայտնեց, որ այդ համագործակցությունը չի խախտվի։
«Ես միայն կաշկանդված կարող եմ լինել Սահմանդարությամբ»,- նման դիտարկում արեց ՀՀ նախագահ Վահագն Խաչատուրյանը՝ պատասխանելով լրագրողի հարցին, թե նախագահը արդյոք կաշկանդված չի լինի իր աշխատանքի մեջ, նշելով, որ ամեն բան պետք է արվի ի շահ Հայաստանի։
Անդրադառնալով ռուս-ուկրաինական պատերազմին՝ Հայաստանի քաղաքական դիրքորոշմանը՝ Վահագն Խաչատուրյանն ասաց, որ այն հայտարարությունները, որ արվում են դրանք ճիշտ են։
«Մենք պետք է հուսանք և հնարավորինս ամեն ինչ անենք, որ մեկ օր առաջ պատերազմը ավարտվի՝ մենք շատ լավ գիտենք՝ դա ինչ է նշանակում։ Մենք ինքներս գոնե մեր մաշկի վրա դա զգացել ենք»,- նշեց ՀՀ հինգերորդ նախագահը՝ շեշտելով, որ տնտեսական առումով այս պատերազմը լրջագույն մարտահրավեր է և անկանխատեսելի երևույթներ կարող են տեղի ունենալ։
ՀՀ նախագահն անդրադարձավ գնաճին, պատերազմի հետևանքով առաջացող խնդիրներին, սպասվող զարգացումներին և խոսեց հացահատիկի ներմուծման թեմային նշելով, որ իրավիճակը խճճված է, բայց այդ հարցը համար առաջին հարցն է և վստահեցրեց, որ ամեն բան արվում է ինֆլյացիայի աճը կանգնեցնելու համար։
Հարցին՝ արդյոք չի անհանգստացնում, որ ՀՀ նախկին նախագահները չեն մասնակցելու Վահագն Խաչատուրյանի երդմնակալության արարողությանը, ՀՀ նախագահը հարցին հարցով պատասխանեց՝ «բայց ինձ ինչու՞ պիտի անհանգստացնի»։
Մանրամասները՝ տեսանյութում։
