Ռուսաստանը հարևան երկրների նկատմամբ ոչ մի վատ մտադրություն չունի․ Պուտին
Աջակցիր «Ա1+»-ինՌուսաստանը հարևան երկրների նկատմամբ ոչ մի վատ մտադրություն չունի, նրա բոլոր գործողությունները բխում են բացառապես նրա դեմ ոչ բարեկամական քայլերից։
Այս մասին, TАСС-ի փոխանցմամբ, այսօր հայտարարել է ՌԴ նախագահ Վլադիմիր Պուտինը՝ Մարշալ Ռոկոսովսկի նոր լաստանավի դրոշի բարձրացման արարողությանը։
«Ուզում եմ ևս մեկ անգամ շեշտել. մենք ոչ մի վատ մտադրություն չունենք մեր հարևանների նկատմամբ, և ես նրանց խորհուրդ կտայի չսրել իրավիճակը, չկիրառել որևէ սահմանափակում: Մենք կատարում ենք մեր բոլոր պարտավորությունները և կշարունակենք կատարել դրանք», - ասել է ՌԴ ղեկավարը։
«Մենք այստեղ կարիք չենք տեսնում սրելու կամ վատթարացնելու մեր հարաբերությունները: Մեր բոլոր գործողությունները, եթե դրանք առաջանում են, միշտ էլ առաջանում են բացառապես Ռուսաստանի դեմ որոշ ոչ բարեկամական գործողություններին ի պատասխան»,-ասել է Պուտինը։
Նա կոչ է արել հարևան երկրների գործընկերներին «մտածել, թե ինչպես կարգավորել հարաբերությունները և նորմալ համագործակցել»։
