Ռուս-ուկրաինական բանակցությունների երկրորդ ռաունդը սպասվում է այսօր երեկոյան
Աջակցիր «Ա1+»-ինՌուսական պատվիրակությունը բանակցությունների նոր փուլին բանակցության վայր կժամանի այսօր երեկոյան և պատրաստ կլինի Ուկրաինայի ներկայացուցիչների հետ հանդիպմանը։ TACC-ի տեղեկացմամբ՝ այս մասին լրագրողներին հայտնել է ՌԴ նախագահի խոսնակ Դմիտրի Պեսկովը։
«Այսօր երեկոյան մեր պատվիրակությունը կլինի տեղում: Կսպասենք ուկրաինացի բանակցողներին: Մեր պատվիրակությունը պատրաստ կլինի շարունակել զրույցն այսօր երեկոյան»,- ասել է Պեսկովը:
Նոր հանդիպման վայրի մասին ճշտող հարցին Կրեմլի ներկայացուցիչը պատասխանել է, որ նախապես չի ասի այդ մասին։ ՏԱՍՍ-ի փոխանցմամբ՝ Ռուսաստանի և Ուկրաինայի պատվիրակությունների միջև բանակցությունների այս ռաունդը կանցկացվի Բելառուսի տարածքում՝ Բելովեժսկայա Պուշչայում։
Կրեմլը հույս է հայտնել, որ ուկրաինական կողմը կգա բանակցություններին։ Սակայն դրա հաջողության մասով որևէ կանխատեսում չի անի՝ ասել է Պեսկովը։
«Ես նման կանխատեսումներ չեմ անի, ես հեռատեսության շնորհ չունեմ»,- ասել է Պեսկովը։ Նա նաև տեղեկացրել է, որ Ուկրաինայի հետ բանակցություններում ռուսական կողմից բանակցողը կլինի ՌԴ նախագահի օգնական Վլադիմիր Մեդինսկին։
