Լեռնային Ղարաբաղում գտնվող ռուս խաղաղապահները ապահովում են ջրի պոմպակայանի կառուցման անվտանգությունը՝ Խնաբադ և Ասկերան բնակավայրերին ջուր մատակարարելու համար, որոնց մեծ մասը ռազմական գործողությունների արդյունքում մնացել են առանց ջրամատակարարման:

 

Ավելի վաղ պոմպակայանի շինարարական աշխատանքները դադարեցվել էին՝ սահմանազատման գծին մոտակայքում գտնվելու պատճառով:

 

Շինարարական աշխատանքների վերսկսումը հնարավոր դարձավ ռուսական և խաղաղապահ զորախմբերի հրամանատարության աջակցությամբ հայկական և ադրբեջանական կողմերի միջև ձեռք բերված պայմանավորվածությունների արդյունքում:

 

Ներկայումս խմելու ջուրը Խնաբադ և Ասկերան է մատակարարվում կոմունալ ծառայությունների կողմից, բայց պոմպակայանի շահագործումից հետո դրա հզորությունը կբավականացնի խմելու ջուր ապահովել ոչ միայն այս բնակավայրերի բնակչությանը, այլև հարակից գյուղատնտեսական հողերին:

 

Այս մասին հայտնում է ՌԴ ՊՆ-ն։