Անձի պատիվն ու արժանապատվությունը կեղծ զրպարտչական եւ վիրավորական արտահայտություններից պաշտպանելու համար Քրեական օրենսգրքում առաջարկում են փոփոխություններ անել. վիրավորանքի համար մինչեւ 1 մլն փոխհատուցման չափի փոխարեն սահմանել մինչեւ 5 մլն դրամ, իսկ զրպարտության համար՝ մինչեւ 2 մլն փոխարեն մինչեւ 10 մլն դրամ փոխհատուցման չափ:

Կառավարությունն առաջարկեց ապահովել ողջամիտ հարաբերակցություն սահմանադրական երկու արժեքների՝ խոսքի ազատության եւ պատվի արժանապատվության միջեւ: Փոխհատուցման չափը արժե բարձրացնել ոչ ավելի քան 2 մլն դրամ՝ վիրավորանքի դեպքում, 3 մլն դրամ՝ զրպարտության:

Ազգային ժողովի փետրվարի 11-ի նիստում քննարկված նախագծի  հեղինակ Ալեն Սիմոնյանը խոսեց նաեւ միջազգային փորձի մասին: Բելգիայում, Նորվեգիայում եւ Իտալիայում սահմանված է մինչեւ 2000 եվրո տուգանք: ԵՄ 28 երկրներից 25-ում վիրավորանքն ու զրպարտությունը քրեականացված են: ԵՄ 21 երկրներում վիրավորանքի եւ զրպարտության համար նախատեսված է ընդհուպ մինչեւ ազատազրկում: