Իրավապահները մինչև վերևից հրահանգ չի հնչեցվում, չեն կատարում իրենց աշխատանքը. իրավապաշտպան (տեսանյութ)
Աջակցիր «Ա1+»-ինՀայաստանում տարիներ շարունակ ոստիկանությունը, դատարանները և դատախազությունը կախված են եղել ուղիղ հրահանգներից և դա նրանց սովորեցրել է օրենքի շրջանակներում չգործել և սպասել հրահանգների . ասում է իրավապաշտպան Զառա Հովհաննիսյանը՝ անդրադառնալով վարչապետի երեկ հնչեցրած հայտարարությանը, թե բռնության քարոզ հնչեցնող ուժերին պետք է տալ ոչ թե թավշյա, այլ երկաթյա հակահարված:
Զառա Հովհաննիսյանը կարծում է, որ Հայաստանում բռնության կոչերը հասել են բավական լուրջ աստիճանի և վարչապետը պետք է միջամտի այդ երևույթին, քանի որ իրավապահ մարմիններին մինչև վերևից հրահանգ չի հնչեցվում, չեն կատարում իրենց աշխատանքը:
Հովհաննես Մադոյանը կարծում է, որ ատելության խոսք տարածողը մնում է անպատիժ՝ անկատար օրենսդրության պատճառով: Բռնության կոչերը շատ անգամ հնչում է Նիկոլ Փաշինյանի սատարողների կողմից և շատ անգամ իրավապահ մարմինների կողմից միջոցներ չեն ձեռնարկվում, քանի որ այդ կոչերը շատ անգամ ուղղված է լինում հասարակության կողմից չընդունված խմբերի դեմ:
« Հելսինկյան ասոցիացիայի նախագահ, փաստաբան Նինա Կարապետյանցը կարծում է, որ մարդու իրավունքների պաշտպանը պետք է ավելի կոշտ և կոպիտ հայտարարություններով հանդես գա, այն դեպքերում, երբ խախտվում է մարդու իրավունքները:
ՄԻՊ-ը այն եզակի կառույցներից է, որ կարող է անմիջապես աշխատել Կառավաոության և ԱԺ-ի հետ, փորձելով նոր օրինագծերով և հիմնավորումներով հասնել քաղաքական փոփոխությունների, քանի որ իրավաշտպանները չունեն այնքան գործիքակազմ, ինչը ունի ՄԻՊ գրասենյակը:
