Մենք ունենք մեծ հնարավորություններ, մեր արտադրանքը արտահանելու Չինաստան. Զոհրապ Մնացականյան (տեսանյութ)
Աջակցիր «Ա1+»-ինԱԳ նախարար Զոհրապ Մնացականյանը այսօր Աժ-ում Կառավարության հետ հարցուպատասխանի ժամանակ նշեց, որ վերջին հայ- չինական հանդիպումները շատ կարևոր էին, սակայն այն շարունակական գործընթաց է: Նախարարի խոսքով՝ օրակարգը Չինաստանի հետ չափազանց լայն է, այն վերաբերում է տարբեր բնագավառներին՝ ներառյալ տնտեսական ոլորտին:
«Այս շրջանում կարողացանք շոշափելի արդյունք ունենալ, դա վիզաների ազատականացման պայմանագիրն է, որը պետք է դեռ անցնի որոշակի ընթացակարգ, որպեսզի մտնի ուժի մեջ: Վիզաների ազատականացումը ևս մի քայլ է դյուրացնելու հարաբերությունները բոլոր շերտերի հետ: Առաջին հերթին մեզ համար մեծ հետաքրքրություն է ներկայացնում տնտեսական համագործակցությանը: Շատ շոշափելի կոնկրետ օրինակ է գյուղատնտեսական արտադրանքի արտահանումը Չինաստան, սրանք օրինակներ են, որ այս այցերի ընթացքում մենք կոնկրետ շոշափելի արդյունքներ ունեցանք»:
Նախարարը նաև նշեց նաև, որ Չինաստանի հետ առաջիկայում ունեն քաղաքական երկխոսության օրակարգ , որտեղ կվերաբերվի առևտրաշրջանառությանը, որն էլ մեծ հնարավորություններ կստեղծի հայկական արտադրանքը Չինաստան արտահանելու համար:
