Բացել լրահոսը Փակել լրահոսը
A A

77-ԱՄՅԱ ԼՈՒՍԱՆԿԱՐՉԻ ՑՈՒՑԱՀԱՆԴԵՍԸ

Մշակույթ


77-ամյա հայտնի ֆոտոլրագրող Հարրի Քունդակչյանի աշխատանքներն այս օրերին ցուցադրվում են Նու- Յորքի «Սիթի» համալսարանում:


Նա իր ամբողջ կյանքը նվիրել է ֆոտոլրագրությանը:


Պրոֆեսիոնալ լուսանկարչությամբ սկսել է զբաղվել 1952 թվականից, երբ աշխատել է ֆրանսերեն լեզվով հրատարակվող «Լօրիան» եւ նրա արաբերեն տարբերակի`«Ժարդիա» թերթերում:


Հայազգի տաղանդավոր լուսանկարիչը աշխատել է նաեւ «Ասոշիեյթեդ Պրես» գործակալությունում, իսկ 1974թ-ին ստանձնել է Մերձավոր Արեւելքի լրատվության բաժնի գլխավոր խմբագրի պաշտոնը: Այս գործակալությունում նա աշխատել է ավելի քան 40 տարի:


Աշխատանքային տարիների ընթացքում շրջագայել է 20 երկրներում` լուսանկարելով պետությունների ղեկավարների եւ քաղաքական գործիչների, ինչպես նաեւ արվեստի եւ գրականության տարբեր երախտավորների:


Հարրի Քունդակչյանը արժանացել է «Վորլդ Պրես ֆոտո» եւ «Մենենջինգ էդիթորզ» միջազգային մրցանակների:


Հիմա էլ 77-ամյա նկարիչ Հարրի Քունդակչյանը երիտասարդական ավյունով շարունակում է իր ստեղծագործական աշխատանքը`իր անբաժան ընկերոջ` լուսանկարչական խցիկի հետ միասին:


Ռոբերտ Կարապետյան

Նյու- Յորք