Մեքենաների փոխարեն հեծանիվ. ուսանողների առաջարկը (տեսանյութ)
Ուսումնական տարվա սկսվելուն ընդառաջ ուսանողները սեպտեմբերյան խցանումների դեմ պայքարի իրենց առաջարկն ունեն. դասի գնալ հեծանիվներով: «Ռեստարտ» ուսանողական-քաղաքացիական նախաձեռնությունն հեծանվարշավի սկիզբն այսօր ազդարարեց: Ուսանողներն առաջարկում են՝ ծանր, մեծ ու դժվարաշարժ մեքենաների փոխարեն երթևեկել թեթև ու դյուրաշարժ հեծանիվներով, ինչը կլուծի նաև դասից ուշանալու խնդիրը ևս: Փորձառու հեծանվորդ Գայանե Ալեքսանյանը սակայն հիշում է տարածված խոսքը, թե Երևանը հեծանիվ քշելու քաղաք չէ: «Շատ հաճախ վատ են վերաբերվում հեծանվորդներին, մտածում են, որ իրենց խանգարում ես, իսկ մայթով հետիոտներին ես խանգարում»,- ասում է նա: Ուսանողական հեծանվարշավները ավելի հաճախակի կդառնան: Փորձ կարվի նաև ներառել ավելի շատ մարդկանց՝ այդ թվում դասախոսների, կառավարության ներկայացուցիչների և այլն: Ավելին՝ տեսանյութով:
