Ազատության հրապարակից. «Եկան, մարդկանց ոչխարի հոտի նման քշեցին տարան» (տեսանյութ)
Այս պահին Ազատության հրապարակում մարդ չկա, սակայն այն տեղում, որտեղ արդեն մի քանի ամիս տեղակայված էր «Նոր Հայաստան-Փրկության ճակատի» վրանը, դատարկ է: Երեւում են ջարդված վրանի հետքեր, տարածքն ամբողջությամբ աղբի մեջ է: Կան ձեռնոց, տղամարդու հողաթափեր, սննդի մնացուկներ, ջրի պլաստիկ շշեր եւ քարի կտորներ:
«Ա1+»-ը հետաքրքրվեց այստեղ նստած մարդկանցից, թե ի՞նչ է տեղի ունեցել Ազատության հրապարակում քիչ առաջ, այստեղ նստած մարդկանցից մեկը, որը չցանկացավ ներկայանալ, ասաց, որ քիչ առաջ ոստիկանական մի մեքենա եկավ այստեղ եւ վրանի նախկին տեղում հավաքվածներին բերման ենթարկեց:
«Էդ մարդիկ ոչինչ չէին անում, ուղղակի կանգնած էին, եկան ոչխարի հոտի նման քշեցին տարա: Էդ իրենց հերիք չէր, մի հատ էլ էս կաֆեի մատուցողին վերցրեցին, տարան»,-պատմում է ականատեսը:
Բերման ենթարկվածների թվում են ակտիվիստ Վարդգես Գասպարին և «Հայազն» կուսակցության վարչության անդամ Արմեն Հովհաննիսյանը։