Տրանսպորտի պայքարին միանում է սփյուռքը
ԱՄՆ-ում գործող «Հայկական Միություն» (Armenian Union) Հասարակական նախաձեռնությունը միանում է «Վճարում ենք 100 դրամ» շարժման անդամների հայտարարությանը և միասնական օրակարգի ձևավորման կոչին՝ համերաշխությամբ պայքարելու հանուն իրավունքի գերակայության և սոցիալական արդարության, կոռուպցիայի և անպատժելիության մթնոլորտի վերացման, պետական և տեղական ինքնակառավարման մարմինների հաշվետվողականության:
Լինելով սկզբունքորեն ապաքաղաքականացված կառույց՝ մենք, այնուամենայնիվ, չենք կարող անմասն մնալ մեր եղբայրների և քույրերի նախաձեռնությանը: Հաջորդ մի քանի օրերի ընթացքում «Հայկական Միություն»-ը կներկայացնի իր աջակցային ծրագիրը և հետամուտ կլինի շարժման մեջ նորանոր կազմակերպություններ և անհատներ ներգրավվելու գործընթացին:
Կոչ ենք անում, Սփյուռքում գործող բոլոր առողջ ուժերին, հասարակական կազմակերպություններին, նախաձեռնություններին, ավանդական կուսակցություններին և նրանց երիտասարդական թևերին համախմբվել և առկա բոլոր լծակներով աջակցել ձևավորվող շարժմանը:
«Հայկական Միություն»
