A
A
Հակադոպինգային համաժողով Երեւանում
Հունիսի 2-4-ը Հայաստանի ազգային օլիմպիական կոմիտեի հովանու ներքո Երեւանում տեղի կունենա Արեւելյան Եվրոպայի տարածքային հակադոպինգային կազմակերպության համաժողովը: Այդ մասին տեղեկացնում է ՀԱՕԿ-ի մամուլի ծառայությունը:
Համաժողովին կմասնակցեն Հայաստանի, Վրաստանի, Մակեդոնիայի, Մոլոդովայի եւ Ալբանիայի պատվիրակները: Ներկա կլինեն նաեւ համաշխարհային հակադոպինգային գործակալության պաշտոնյաներ, ինչպես նաեւ ՀՀԳ-ի եվրոպական մասնաճյուղի տնօրեն, շվեյցարացի Ֆրեդերիկ Դոնզեն:
Համաժողովի վերջին օրը կանցկացվի տեսագործնական պարապմունք, որը կվարի ՀԱՕԿ-ի հակադոպինգային բաժնի պետ, գիտությունների դոկտոր Արեգ Հովհաննիսյանը:
Հարկ է նշել, որ Հայաստանի հակադոպինգային կազմակերպությունը մեր տարածաշրջանում միակն է, որը լիովին համապատասխանում է ՀՀԳ-ի պահանջներին:
