Հայաստանը վստահ գլխավորում է աղյուսակը
Թենիսի Հայաստանի կանանց հավաքականը հաղթանակներով է սկսել ելույթները Ֆեդերացիայի գավաթի խաղարկության ընտրական մրցաշարում:
Եգիպտոսում տեղի ունեցող Եվրոաֆրիկյան գոտու 3-րդ դիվիզիոնի մրցաշարում մեր թենիսիստուհիները առաջին երկու խաղերում միեւնույն 3:0 հաշվով առավելության հասան Քենիայի եւ Մալթայի ընտրանիների նկատմամբ:
Հայաստանի հավաքականը վստահ գլխավորում է աղյուսակը: Երկրորդ-երրորդ տեղերը զբաղեցնում են Մարոկոն ու Իռլանդիան, որոնք առայժ մեկական հանդիպում են անցկացրել՝ հաղթելով համապատասխանաբար Քենիային ու Մալթային:
Այսօր Հայաստանի ընտրանին հանգստանում է, իսկ վաղը կհանդիպի Մարոկո - Իռլանդիա զույգի պարտվողի հետ:
Հիշեցնենք, որ Ֆեդերացիայի գավաթի խաղարկության Եվրոաֆրիկյան գոտու 3-րդ դիվիզիոնում ընդգրկված են 11 երկրներ, որոնք վիճակահանությամբ բաժանվել են երկու խմբի: Դրանցում առաջին տեղը գրաված թիմերը կիսաեզրափակիչում կմրցեն զուգահեռ խմբերի 2-րդ թիմերի հետ: Այդ խաղերի հաղթողները իրավունք կստանան 2013 թվականին հանդես գալ Եվրոասիական գոտու 2-րդ դիվիզիոնում:
