Վարազդատ Լալայանը նվաճեց երկու մեդալ, իսկ Սիմոն Մարտիրոսյանը՝ մեկ․ ծանրամարտի ԱԱ

Սաուդյան Արաբիայի մայրաքաղաք Էր Ռիյադում ավարտվեց ծանրամարտի աշխարհի առաջնությունը։ Վերջինը պայքարի մեջ մտան գերծանր քաշային ծանրորդները։

Հայաստանը ներկայացնող Վարազդատ Լալայանը երկամարտի 460 կգ արդյունքով գրավեց երկրորդ տեղը և նվաճեց արծաթե մեդալ։ Նա պոկում վարժությունում ցույց տվեց 3-րդ արդյունքը և նվաճեց բրոնզե մեդալ։

Մեր երկրորդ մարզիկը՝ Սիմոն Մարտիրոսյանը, երկամարտի 450 կգ արդյունքով զբաղեցրեց 5-րդ հորիզոնականը։ Սակայն նա արծաթե մեդալ նվաճեց հրում վարժությունում։

Հայաստանի հավաքականի նախկին անդամ Գոռ Մինասյանը, որն այժմ ներկայացնում է Բահրեյնը, 459 կգ արդյունքով գրավեց մրցանակային 3-րդ տեղը։ Նա արծաթե մեդալ նվաճեց հրում վարժությունում։

Այս քաշային կարգում դարձյալ հաղթեց վրացի Լաշա Տալախաձեն, որը Վարազդատ Լալայանից 13 կիլոգրամ շատ բարձրացրեց։

Մեդալների ընդհանուր քանակով Հայաստանի հավաքականը զբաղեցրեց 11-րդ տեղը՝ 1 ոսկի, 4-ական արծաթ և բրոնզ։