Ծանրամարտի Եվրոպայի ֆեդերացիան անվտանգության նոր երաշխիքներ է պահանջել Երևանից

Ծանրամարտի Եվրոպայի ֆեդերացիան՝ EWF-ն,  այսօր հանդես է եկել պաշտոնական հայտարարությամբ՝ կապված Եվրոպայի առաջնության բացման արարողության ժամանակ երեկ Երևանում տեղի ունեցած միջադեպի հետ: Ահա այն.

«Ծանրամարտի Եվրոպայի ֆեդերացիան խստորեն դատապարտում է 2023 թվականի ապրիլի 14-ին Երևանում ծանրամարտի Եվրոպայի առաջնության բացման արարողության ժամանակ տեղի ունեցած միջադեպը, երբ անձը հրկիզել է Ադրբեջանի դրոշը։

EWF-ն այս չափազանց լուրջ և ցավալի ժեստը համարում է հարձակում սպորտի արժեքների ամբողջականության և Արդար խաղի համընդհանուր սկզբունքների վրա:

EWF-ն անմիջապես արձագանքեց այս միջադեպին` հայտնելով իր հաստատակամ դիրքորոշումը Կազմկոմիտեի նկատմամբ և խնդրելով լրացուցիչ երաշխիքներ այս մրցաշարի բոլոր մասնակիցների անվտանգության համար: EWF-ն մշտապես գտնվել է Ադրբեջանի պատվիրակության հետ՝ իր ամբողջական համերաշխությունն ու աջակցությունը հայտնելով մարզիկներին, մարզիչներին և պաշտոնյաներին։

EWF-ն գտնում է, որ այս միջադեպը մեկուսացված է և կհետևի Կազմկոմիտեից հրատապ պահանջվող լրացուցիչ միջոցառումների իրականացմանը:

Ցավում ենք, որ Ադրբեջանի պատվիրակությունը ստիպված է եղել լքել մրցաշարը, բայց միևնույն ժամանակ հարգում ենք այն։ Մենք անմիջականորեն ներգրավված ենք եղել պատվիրակության անվտանգության բոլոր պայմանների ապահովման գործում, քանի դեռ նա չի հեռացել Հայաստանից։

EWF-ը հետևողական է մնում իրադարձությանը և կքննարկի կատարվածի համատեքստում լրացուցիչ միջոցներ ձեռնարկելու հարցը:

EWF-ի ղեկավարությունը կմասնակցի այս առաջնության շրջանակներում իրականացվող բոլոր գործողություններին մինչև պատվիրակությունների մեկնումը, որպեսզի ապահովի թիմերի անվտանգության բոլոր պայմանների պահպանումը:

EWF-ը համերաշխ է Ադրբեջանի հավաքականի և ֆեդերացիայի հետ և պատրաստ է ցանկացած ձևի աջակցության, որը պահանջվում է սպորտի և Արդար խաղի համար»:

Ծանրամարտի Եվրոպայի ֆեդերացիա