Հայաստանի բռնցքամարտի կանանց թիմը հավաքներ կանցկացնի Օլիմպավանում
Աջակցիր «Ա1+»-ինՀայաստանի բռնցքամարտի կանանց հավաքական հունվարի վերջին տասնօրյակում ուսումնամարզական հավաք կանցկացնի մայրաքաղաքի Օլիմպավանում: Այդ մասին հայտնում է ՀԱՕԿ-ի կայքը:
Հունվարի 31-ից փետրվարի 4-ը տեղի կունենա Հայաստանի մեծահասակների առաջնությունը, որին կմասնակցեն նաև կանայք: Մեկշաբաթյա հանգստից հետո կանանց հավաքականը դարձյալ ուսումնամարզական պարապմունքներ կանցկացնի Օլիմպավանում: Երկրորդ հավաքին կմասնակցեն նաև երիտասարդական թիմի չորս մարզուհիներ, որոնք պետք է մասնակցեն Երևանում անցկացվելիք Եվրոպայի երիտասարդական առաջնությանը:
Հայաստանի բռնցքամարտի կանանց հավաքականը մարտի 15-31-ը Նյու Դելի քաղաքում կմասնակցի բռնցքամարտի աշխարհի առաջնությանը, իսկ հունիսին՝ Եվրոպայի ամառային մարզական երրորդ խաղերին, որտեղ խաղարկվելու են 2024թ օլիմպիական խաղերի առաջին ուղեգրերը:
