Հայաստանում հավատարմագրված դիվանագետները ադրբեջանական վայրագությունից տուժած Գեղարքունիքի մարզում են (Լուսանկարներ)
Աջակցիր «Ա1+»-ինՀայաստանում հավատարմագրված դիվանագիտական կորպուսի ավելի քան 45 ներկայացուցիչներ Սոթքում են։ Նրանք ժամանել են Գեղարքունիքի մարզ, որտեղ նրանց կներկայացվեն Ադրբեջանի զինված ուժերի կողմից խաղաղ բնակավայրերը թիրախավորելու հետևանքները:
Ադրբեջանի հարձակման հետևանքով Գեղարքունիքի մարզում սպանվել է 1 քաղաքացիական անձ, վիրավորվել են 4-ը, որոնցից 1-ի վիճակը գնահատվում է ծանր, 1 քաղաքացիական անձի գտնվելու վայրն անհայտ է։ Վարդենիս համայնքի Չարենցի փողոցն արկի հարվածից վնասվել է: Ներքին Շորժա բնակավայրում հոսանքազրկվել են հեռախոսային և ինտերնետ կապերը (այժմ վերականգնվել է): Վերին Շորժա բնակավայրում վնասվել են թվով 8 բնակելի տներ, հրդեհվել են 5 բնակիչների 40 հա խոտհարք, 10 հա գարու և 70 հա ցորենի տարածքներ: Կուտական բնակավայրում սատկել է 1 գլուխ կով: Սոթք բնակավայրում վնասվել է վարչական շենքը, դպրոցի պատուհանները և մասնակի տանիքը, մասնակի վնասվել են մոտ 120 բնակելի տներ (մոտ 60-ը՝ ամբողջությամբ): Կութ բնակավայրում վնասվել է գյուղապետարանի շենքը և բուժկետը, 2 բնակչի օժանդակ կառույցը, 1 ավտոմեքենա, 2 անասնագոմ: