Բացել լրահոսը Փակել լրահոսը
A A
Մշակույթ Սպորտ

Ատեստավորման համար կապ չունի՝ որտեղ է դասավանդում ուսուցիչը․ Անդրեասյանը՝ սահմանամերձ համայնքներում դասավանդող ուսուցիչների մասին (տեսանյութ)

Հայաստանը 2022 թվականին առաջին անգամ կհյուրընկալի միջազգային առարկայական օլիմպիադա։ Այսօր ԿԳՄՍ նախարարությունում հրավիրված ասուլիսին ասաց ԿԳՄՍ նախարարի տեղակալ Ժաննա Անդրեասյանը՝ ամփոփելով՝2021 թվականի կատարած աշխատանքները։

Նախարարի տեղակալն անդրադարձավ  նախադպրոցական կրթության բովանդակային բարեփոխումներին, նախադպրոցական կրթության ներառականության, նախադպրոցական ծրագրերի և ծառայությունների լիցենզավորմանն առնչվող հարցերին, խոսեց հանրակրթության կապիտալ բնույթի ծախսերի, դպրոցաշինության, ուսուցիչների մասնագիտական զարգացման և աշխատավարձային քաղաքականության, կրթության հասանելիության ապահովման, Կապանում կրթական որակյալ ծառայությունների հասանելիության ապահովման ծրագրի մասին։

Ժաննա Անդրեասյանը ներկայացրեց այս տարվա հաջողված ծրագրերն ու առաջիկա անելիքները․

 «Հայաստանը 2022 թվականին առաջին անգամ կհյուրընկալի միջազգային առարկայական օլիմպիադա։ Ակնկալվում է շուրջ 80 երկրի մասնակցություն»,- ասաց նախարարի տեղակալը։

Իր խոսքի վերջում անդրադարձավ իրավական դաշտի և կապիտալ բարեփոխումներին, ապա պատասխանեց լրատվամիջոցներին հարցերին։

Ա1+-ի հարցին՝ արդյոք ուսուցիչների ատեստավորման պահանջը նաև վերաբերո՞ւմ է սահմանամերձ համայնքներում դասավանդող և դասավանդել ցանկացող ուսուցիչներին, ԿԳՄՍ նախարարի տեղակալ Ժաննա Անդրեասյանն ասաց, որ ատեստավորումը կապ չունի, թե որտեղ է դասավանդում ուսուցիչը և ընդգծեց, որ սահմանամերձ համայնքներում դասավանդող ուսուցիչների համար գործում են նաև հավելյալ արտոնություններ։

Մանրամասները՝ տեսանյութում ։