Հաշվարկվել է 7.073.500 դրամի չափով շրջակա միջավայրին հասցված վնաս (տեսանյութ)
Աջակցիր «Ա1+»-ինՀաշվետվություն ՀՀ Բնապահպանության և ընդերքի տեսչական մարմնի կողմից 2020 թվականի մայիսի 04-ից 08-ն ընկած ժամանակահատվածում կատարված աշխատանքների վերաբերյալ․
Բնապահպանության և ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում արձանագրվել է թվով 26 դեպք, որից 20 դեպքով հաշվարկվել է 7.073.500 ՀՀ դրամի չափով շրջակա միջավայրին հասցված վնաս, 6 դեպքով նշանակվել է 640.000 ՀՀ դրամի չափով վարչական տուգանք։
Բուսական աշխարհի պահպանության ոլորտ
Արձանագրվել է 19 դեպք, 16-ով հաշվարկվել է 7.022.500 ՀՀ դրամի չափով շրջակա միջավայրին հասցված վնաս, 3-ով նշանակվել 300.000 ՀՀ դրամի չափով վարչական տուգանք։
Կենդանական աշխարհի պահպանության ոլորտ
Արձանագրվել է 6 դեպք, 4-ով հաշվարկվել է 51.000 ՀՀ դրամի չափով շրջակա միջավայրին հասցված վնաս, 2-ով նշանակվել 140 000 ՀՀ դրամի չափով վարչական տուգանք։
Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ
Իրականացվել է թվով 1 ստուգում, որի արդյունքում նշանակվել է 200.000 ՀՀ դրամի չափով վարչական տուգանք:
ՀՀ ԱՆ ՀԿԱԾ է ուղարկվել 14 գործ (2.333.400 ՀՀ դրամի չափով վարչական տուգանք):
Նշված ժամանակահատվածում ՀՀ պետական բյուջե մուտքագրվել է 656.446 ՀՀ դրամ:
