Բացել լրահոսը Փակել լրահոսը
A A

Կրակոցներից հետո Բաղանիս-Ոսկեվան միջպետական ճանապարհը բացվել է

Քաղաքականություն

 Այսօր՝ ապրիլի 29-ին, ժամը 13:00-ից 14:00-ն ընկած ժամանակահատվածում ադրբեջանական կողմտ կրակել է Տավուշի մարզի Բաղանիս-Ոսկեվան համայնքների միջպետական ճանապարհի  ուղղությամբ: Այս մասին «Ա1+»-ի հետ զրույցում հայտնեց Բաղանիսի համայնքապետ Նարեկ Սահակյանը:

«Գյուղի ուղղությամբ ընդհանրապես չեն կրակել, Բաղանիս-Ոսկեվան միջպետական ճանապարհի հատվածի վրա են կրակել: Զինվորականների կողմից կարճ ժամանակով ճանապարհը փակվել է, հիմա բաց է, նորմալ աշխատում ենք»,- տեղեկացրեց Նարեկ Սահակյանը:

Նարեկ Սահակյանը վստահեցրեց, որ վնասներ չեն կրել,  գյուղում իրավիճակը հանդարտ է:

Հիշեցնենք, որ  հակառակորդը Բաղանիսի ուղղությամ վերջին անգամ կրակել է 2018 թվականի սեպտեմբերի 12-ին:

Russian