Ամերիկաբնակ լուսանկարիչը գալիս է Երեւան ցուցադրությամբ
Սեպտեմբերի 6-ին, ժամը 15.00-ին, Երևանի «Մոսկվա» կինոթատրոնի երկրորդ հարկի ճեմասրահում կբացվի ամերիկաբնակ լուսանկարիչ Ռոբերտ Կարապետյանի աշխատանքների ցուցադրությունը՝ «Սուրբ խաչ, Սուրբ երրորդություն , հույսի խորան » խորագրով։
Այցելուների համար այն բաց կլինի մինչև սեպտեմբերի 8-ը:
Ռոբերտ Կարապետյանը ծնվել է Երևանում ՝ 1936թ. Սկզբնական կրթությունը ստացել է Երևանի Ե. Չարենցի անվան միջ. դպրոցում : Սովորել եւ ավարտել է (1960 - 1965թ.) Երևանի գեղարվեստա- թատերական ինստիտուտի ռեժիսորական բաժինը: Աշակերտել է՝ Արմեն Գուլակյանի, Վավիկ Վարդանյանի, Վարդան Աճեմյանի նման ականավոր բեմարվեստի վարպետներին: 1965 - 1993թ Ռոբերտ Կարապետյանը աշխատել է Հայկական հեռուստատեսությունում: Տասը տարի անընդմեջ (1973-83թ.) եղել է հեռուստատեսության ստուդիայի ծրագրերի եւ թողարկման դիրեկցիայի գլխավոր ռեժիսորը : 1983 թ. իր աշխատանքային գործունեությունը շարունակել է «Երևանը եւ Երևանցիները» նորաբաց խմբագրությունում: Ռոբերտ Կարապետյանի երկրորդ մասնագիտությունը՝ լուսանկարչությունն է : 1956թ Երեւանի « Ավանգարդ» երիտասարդական թերթում առաջին անգամ տպագրվեցին նրալուսանկարները : Աշխատանքային երկար տարիները նրան բերեցին ճանանչման:
Նա, որպես պրոֆեսիոնալ ֆոտո - լրագրող պաշտոնապես աշխատել է « Երեկոյան Երևան» եւ «Հայրենիքի Ձայն» թերթերում: 1993թ. Ռ.Կարապետյանը մշտական բնակություն է հաստատել Նյու Յորքում : Այժմ նրա հոդվածներն ու լուսանկարային ռեպորտաժները պարբերաբար տպագրվում են ՝ Երևանի, Նյու Յորքի, Բոստոնի, Լոս Անջելեսի, Կանադայի եւ Լիբանանի հայկական թերթերում եւ ամսագրերում: 2002թ Երևանում գտնվելու ժամանակ Ռ.Կարապետյանը գրականության եւ արվեստի պետական թանգարանին նվիրեց իր նկարահանած ժապավենների ամբողջ արխիվը՝ արժանանալով թանգարանի տնօրինության շնորհակալագրին:
Ռոբերտ Կարապետյանը բազմաթիվ անգամներ անհատական լուսանկարչական ցուցահանդեսներ է ունեցել՝ Երևանում Նյու Յորքում եւ Լոս Անջելեսում
